ພະຈິກ 21, 2018, 01:30:04 PMສະມາຊິກຄົນຫຼ້າສຸດ: aspalagus
ແຕ້ມແສງ.ຄອມ » dSLR » Showcase » ຖ້ຳຕິ່ງ 23 ຕຸລາ 2009
ຈຂກທ. ກະທູ້: ຖ້ຳຕິ່ງ 23 ຕຸລາ 2009  (ອ່ານ 3614 ເທື່ອ)
0 ຄົນ ແລະ 1 ຂາສັນຈອນ ກຳລັງເບິ່ງກະທູ້ນີ້.
au8ust
Administrator
Sr. Member
*****
ໂພສ: 456

ເບິ່ງຂໍ້ມູນສະມາຊິກ ເວັບໄຊ ອີເມລ
« ເມື່ອ: ພະຈິກ 05, 2009, 11:45:09 AM »

ເນື່ອງຈາກເວັບແຕ້ມຊ້າງ ເອີ້ຍ ແຕ້ມແສງເຮົາບໍ່ມີໃຜມາໂພສເທື່ອ ດັ່ງນັ້ນກໍອາໄສຫາກິນນຳຂອງເກົ່າໄປກ່ອນເນາະ ດຶງມາຈາກອັລບັ້ມໃນພັນລາວ http://punlao.com/au8ust/albums/12979

ອ້າງອີງ
ພານ້ອງຊາຍກັບແມ່ຕ໋ອຍໄປຖ້ຳຕິ່ງ .. ອາກາດສົດໃສ ມີເຟື້ອເລັກນ້ອຍ

ໃນແຕ່ລະຮູບຈະລະບຸເທັກນິກ ແລະແນວຄຶດຂອງພາບປະກອບໄປນຳ ເພື່ອສະດວກແກ່ຄົນທີ່ສຶກສາວິທີກາຍຖ່າຍຮູບ

ທຸກຮູບບໍ່ໄດ້ແຕ່ງຫຍັງເພີ່ມ ມີແຕ່ resize ໃນ photoshop ແລ້ວກໍອັບໂຫຼດ ຍົກເວັ້ນຮູບທຳອິດ ປັບສີໃຫ້ຈາງລົງປະມານ 20% ມັນແສບຕາ.

ກ້ອງທີ່ໃຊ້ແມ່ນ Nikon D90 ເລນ Tokina 10-24mm (ບໍ່ໄດ້ໃຊ້ CPL) ສຳລັບມຸມກວ້າງແລະ Nikon 50mm f/1.4 AFD ສຳລັບບາງຮູບທີ່ເປັນມຸມທຳມະດາ.


ອ້າງອີງ
ຮູບນີ້ແນວຄຶດບໍ່ມີຫຍັງຫຼາຍ ຢາກເກັບພາບໃນມຸມທີ່ດ້ານຫຼັງເບິ່ງໄປຫາຄົນຂັບແລະເຫັນວິວ ຂອງທ້ອງຟ້າສີຟ້າໃນຍາມເຊົ້າ ແລະດ້ານຫົວເຮືອ

ເທັກນິກທີ່ໃຊ້ແມ່ນປັບຊົດແສງ -0.3 ເພື່ອບໍ່ໃຫ້ມັນສະຫວ່າງເກີນໄປ
ເລືອກໃຊ້ f/13 ເພື່ອເພີ່ມຄວາມຄົມຂອງເລນ tonika 10-24 ທີ່ໃຊ້ ແລະເພື່ອໃຫ້ໄດ້ DOF ທີ່ເລິກພໍ ເປີດໜ້າກ້ອງ 1/250
ໃນຮູບນີ້ມີ:
ແທັກຮູບນີ້



ອ້າງອີງ
ແນວຄຶດຂອງຮູບຄື ຕ້ອງການໃຫ້ເຫັນດວງອາທິດທີ່ສ່ອງແສງລອດຫວ່າງຕົ້ນໄມ້ມາ ໂດຍການຖ່າຍສວນແສງ ເຊິ່ງຮູບລັກສະນະນີ້ຈະມີ contrast ຂອງສ່ວນມືດສຸດແລະແຈ້ງສຸດຕ່ງກັນຫຼາຍ ກໍເລີຍຊົດເຊີຍແສງ -0.7 ເພື່ອໃຫ້ບ່ອນມືດນັ້ນ ມືດລົງຫຼາຍຂຶ້ນ ແລະດຶງໃຫ້ສີຟ້າຂອງທ້ອງຟ້າເຫັນຊັດເຈນຂຶ້ນ.



ອ້າງອີງ
ສຳລັບຮູບນີ້ ຖ່າຍໂດຍອຽງໂຕອອກມານອກເຮືອ ແລ້ວງ່ຽງກ້ອງລົງໃຫ້ເສັ້ນຂອບຟ້າ (ໃນກໍລະນີນີ້ເບິ່ງຈາກເສັ້ນຂອງນ້ຳ) ເປັນເສັ້ນນອນໃຫ້ພໍເໝາະ ບໍ່ໃຫ້ອຽງເກີນໄປ ແລະປັບຊົດເຊີຍແສງ -1 step ເພື່ອເກັບລາຍລະອຽດທ້ອງຟ້າໃຫ້ສີເຂັ້ມຂຶ້ນ ເນື່ອງຈາກບໍ່ໄດ້ໃຊ້ CPL ແລະເຖິງໃຊ້ ກໍຢ້ານວ່າຈະໝຸນ CPL ບໍ່ທັນ.

ພາບນີ້ມີຂໍ້ເສຍແມ່ນດ້ານຂວາມືໃນສ່ວນທີ່ເປັນປ່າໄມ້ນັ້ນມືດໄປໝົດ.




ອ້າງອີງ
ໄປຮອດຖ້ຳຕິ່ງກໍປະມານ 11:26 AM ເຊິ່ງເປັນເວລາໃກ້ສວາຍແລ້ວ ສີຟ້າຂອງທ້ອງຟ້າເລີ່ມຈາງລົງ ກໍເລີຍເຮັດໃຫ້ທ້ອງຟ້າອອກມາຟ້າແບບຈາງໆ.

ຖ່າຍພາບໂດຍໃຊ້ໄລຍະ wide ສຸດຄື 10mm ທຽບເທົ່າ 15mm ໃນກ້ອງ FX ເພື່ອເກັບລາຍລະອຽດຄວາມໃຫຍ່ໂຕຂອງຖ້ຳໃນລວງຕັ້ງ ຮູ້ສຶກວ່າບໍ່ໄດ້ມຸມປານໃດ ມັນຂາດໆ ໄປໜ້ອຍນຶ່ງ.




ອ້າງອີງ
ແນວຄຶດແມ່ນ ຢາກໃຫ້ເຫັນພະພຸດທະຮູບຢູ່ໃນ focus ສ່ວນດ້ານຫຼັງກໍຫຼຸດ focus ໄປ ແຕ່ຄວາມຈິງເຮັດໄດ້ຍາກ ເນື່ອງຈາກໃຊ້ເລນ wide ເຊິ່ງປັບຮູຮັບແສງກວ້າງສຸດໄດ້ພຽງ f/3.5.

ອີກເລື່ອງນຶ່ງແມ່ນອົງປະກອບຂອງຮູບບໍ່ດີເທົ່າທີ່ຄວນ ໂດຍສະເພາະສາກຫຼັງ ແລະຄວາມບິດບ້ຽວຂອງເລນ.




ອ້າງອີງ
ຮູບນີ້ຄ້າຍໆ ຮູບກ່ອນໜ້າ ເປັນການຖ່າຍຮູບພະພຸດທະຮູບທົ່ວໄປ ເນັ້ນຄວາມຫຼາກຫຼາຍ ແຕ່ເທັກນິກບໍ່ມີຫຍັງຫຼາຍ ເປີດຮູຮັບແສງກວ້າງສຸດທີ່ f/3.5 ແລ້ວກໍກະມຸມ ຈາກນັ້ນກົດ shutter .. ປາກົດໄດ້ຕາມເຫັນ ບໍ່ຖືກໃຈເລີຍ -_-'







ອ້າງອີງ
ຮູບນີ້ຄ້າຍໆ ຈະອຽງ ແຕ່ຄວາມຈິງບໍ່ໄດ້ອຽງ ເປັນພາບທາງເຂົ້າໃນຖ້ຳເທິງ ເຊິ່ງພາຍໃນຖ້ຳຈະມີລັກສະນະອຽງເລັກນ້ອຍ ຄົນເຂົ້າອາດບໍ່ທັນສັງເກດດີ ເພາະມັນມືດ ເທັກນິກແມ່ນປັບຮູຮັບແສງກວ້າງສຸດທີ່ f/3.5 ແລະເລັ່ງ ISO ໄປຮອດ 3200 ເພື່ອເຮັດໃຫ້ແສງພຽງພໍ ແລະເປີດກ້ອງ 1/5 sec.

ຮູ້ສຶກວ່າ composition ບໍ່ສົມດຸນປານໃດ.









ອ້າງອີງ
ສຳລັບຮູບນີ້ຮູ້ສຶກລຳບາກໃຈຫຼາຍ ບໍ່ຮູ້ຈະຖ່າຍມຸມໃດດີ ກໍອອກມາຄືເຫັນຫັ້ນລະ ບໍ່ຖືກໃຈປານໃດ..

















ຈົບດີກວ່າ
ເຂົ້າໃຊ້ລະບົບແລ້ວ

“If you don't build your dream someone will hire you to help build theirs.” - Tony A. Gaskins Jr.
laorock
Full Member
***
ໂພສ: 115

Lao Rock Photo
ເບິ່ງຂໍ້ມູນສະມາຊິກ ເວັບໄຊ ອີເມລ
« ຕອບກັບ #1 ເມື່ອ: ມັງກອນ 08, 2010, 11:32:29 AM »

ຸຸຸຖ່າຍໄດ້ງາມຫຼາຍ....... :) ໂດຍສະເພາະຮູບທີ່ 2 3 ແລະ ຮູບສຸດທ້າຍ, ຂ້່ອຍມັກສີສັນ ແລະ ມຸມມອງຂອງເລັນມຸມກ້ວາງ......
ເຂົ້າໃຊ້ລະບົບແລ້ວ

PNT
Newbie
*
ໂພສ: 5

ເບິ່ງຂໍ້ມູນສະມາຊິກ ອີເມລ
« ຕອບກັບ #2 ເມື່ອ: ກຸມຟາ 23, 2010, 11:26:15 PM »

ຖ້າເປັນຮູບໃຫຍ່ ຄືຊິງາມກວ່ານີ້ຫລາຍ..............
ເຂົ້າໃຊ້ລະບົບແລ້ວ
iroza
Newbie
*
ໂພສ: 9

ຂ້ອຍຖ່າຍຮູບດ້ວຍຄວາມຕັ້ງໃຈໃຫ້ບັງເອີນ
ເບິ່ງຂໍ້ມູນສະມາຊິກ ອີເມລ
« ຕອບກັບ #3 ເມື່ອ: ມີນາ 04, 2010, 06:01:37 PM »

ເຮົາມັກຮູບທີ່ຖ່າຍໃນບ່ອນມືດເວີ້ຍ ໂດຍສະເພາະຮູບຄູບາຢື້ໃຕ້ທຽນ ງາມດີ
ເຂົ້າໃຊ້ລະບົບແລ້ວ