ແຕ້ມແສງ.ຄອມ

Miscellaneous => Off-topic => ກະທູ້ເລີ່ມໂດຍ: au8ust ໃນ ກຸມຟາ 17, 2012, 04:33:03 PM

ຫົວຂໍ້: ນິທັດສະການພາບຖ່າຍແຕ້ມແສງ
ໂພສໂດຍ: au8ust ໃນ ກຸມຟາ 17, 2012, 04:33:03 PM
ພໍດີມີຄົນມັກມາຖາມຊື້ຮູບ ເຂົາກໍຢາກໄດ້ເປັນແບບ print ຫັ້ນລະ ກໍຈັກຊິວາງລາຄາແນວໃດ ບາງຄັ້ງ ຮູບພາບ ກໍມີຄຸນຄ່າຫຼາຍກວ່າການຕີລາຄາເປັນເງິນ ກໍເລີຍຕອບໄປວ່າ ໄລ່ແຕ່ຄ່າພິມ ບໍ່ໄລ່ຄ່າຮູບ

ເລີຍເກີດເປັນຄວາມຄິດຢາກຈັດນິທັດສະການພາບຖ່າຍຂອງພວກເຮົາຂຶ້ນ ແຕ່ກໍບໍ່ສະເພາະວ່າຕ້ອງມາຈາກຄົນໃນເວັບໄຊນີ້ ຫຼືເວັບໄຊນັ້ນ ຫຼືກຸ່ມໃດນຶ່ງເທົ່ານັ້ນ ກໍສາມາດມາຮ່ວມກັນສະແດງພາບຖ່າຍໄດ້ ພຽງແຕ່ໃສ່ຊື່ເວັບ ເພາະຕ້ອງການຈະບອກວ່າ ຈັດໂດຍໃຜຊື່ໆ

ເລື່ອງການວາງລາຄາຮູບ ຄິດວ່າຢາກວາງ base price ກໍຄືເປັນລາຄາເບື້ອງຕົ້ນ ເຊິ່ງລາຄານີ້ນັບສະເພາະຄ່າພິມຮູບ ຄ່າກອບ ຄ່າຕ່າງໆ ກ່ຽວກັບການເຮັດໃຫ້ຮູບອອກມາເປັນຮູບທີ່ສຳຜັດໄດ້ເທົ່ານັ້ນ ບໍ່ຮວມຄ່າຮູບ ເຊິ່ງໂຕນັ້ນ ແມ່ນໃຫ້ເປັນລັກສະນະການປະມູນເອົາ ໃຜໃຫ້ລາຄາດີທີ່ສຸດ ກໍໄດ້ຮູບນັ້ນ ສ່ວນຮູບໃດທີ່ບໍ່ມີຄົນສົນໃຈກໍເກັບໄວ້ເທື່ອໜ້າຄ່ອຍໄປວາງໃໝ່

ສະຖານທີ່ ຄິດໆ ວ່າຄືຊິມີແຕ່ຫໍວັດທະນະທຳຫັ້ນລະທີ່ມັນເໝາະ ຫຼືຖ້າໃຜມີສະຖານທີ່ອື່ນທີ່ໃກ້ຄຽງກັນກໍແນະນຳມາໄດ້

ວັນເວລາແມ່ນວັນທີ 24 ຕຸລາ 2012


ໃຜມີໄອເດຍຫຍັງກໍວ່າມາເບິ່ງເດີ
ຫົວຂໍ້: Re: ນິທັດສະການພາບຖ່າຍແຕ້ມແສງ
ໂພສໂດຍ: smartcat ໃນ ກຸມຟາ 17, 2012, 04:40:28 PM
ຕາມທີ່ເຄີຍວາງແມ່ນຢູ່ ຫໍວັດທະນະທຳ ກັບ ປະຕູໄຊ ແລະ ສະມາຄົມນັກຂ່າວແມ່ນດີທີ່ສຸດແລ້ວ
ສ່ວນເລື່ອງລາຄາຫັ້ນກໍບໍ່ນ່າຈະແພງຫຼາຍ. ກໍຂຶ້ນນຳຂອບ ແລະ ຮູບທີ່ເຮົາສັ່ງພິມອອກມາ ວ່າລາຄາເທົ່າໃດ
ສ່ວນວ່າເອົາລາຄາບວກເພີ່ມຫຼືບໍ່ນັ້ນກໍນ່າຈະຂຶ້ນກັບເຈົ້າຂອງຮູບເອງວ່າຕ້ອງການບວກເທົ່າໃດຈຶ່ງຈະເໝາະສົມ ອັນທີ່ວ່າປະມູນຫັ້ນກໍໃຫ້ເປັນຮູບທີ່ມີຄົນສົນໃຈຫຼາຍຈຶ່ງຮ້ອງປະມູນຈຶ່ງຈະດີກວ່າ ເພາະຢາກໃຫ້ຮູບມັນມີຄຸນຄ່າ

ຖ້າຫາກວ່າຈະວາງສະແດງແທ້ໆ ກໍຕ້ອງມີຄິດເລື່ອງຄ່າໃຊ້ຈ່າຍຕ່າງໆໃນການວາງສະແດງອີກ ອີກທັງເຫຼັກທີ່ໃຊ້ແຂວນຮູບອີກ ຕ້ອງໄດ້ເວົ້າເລື່ອງລາຍລະອຽດຫຼາຍແດ່
ຫົວຂໍ້: Re: ນິທັດສະການພາບຖ່າຍແຕ້ມແສງ
ໂພສໂດຍ: au8ust ໃນ ກຸມຟາ 17, 2012, 04:45:12 PM
ເລື່ອງຂອບ ແລະຮູບພິມຫັ້ນ ອັນນີ້ກໍຍາກຢູ່ໃດ ເພາະຖ້າຮັບມາຈາກຫຼາຍບ່ອນ (ໝາຍເຖິງພາບຈາກຫຼາຍຊ່າງພາບ) ມັນກໍຈະມີຄວາມແຕກຕ່າງກັນດ້ານການພິມ ການໃສ່ຂອບ ມັນກໍແປກໆ ຫັ້ນນະ ຖ້າງານດຽວມີຂອບ 8 ແບບຈັ່ງຊິ ກໍຄືຊິງົງໆ ດີ ຫຼືວ່າເປັນປົກກະຕິຫວາ? ເຄີຍເຫັນແຕ່ງານທີ່ເຂົາຈັດດ້ວຍ organizer ດຽວ ເຂົາຈະໃສ່ຂອບຄືກັນໝົດທຸກຮູບ ເນື້ອເຈ້ຍພິມຫຍັງກໍຄືກັນໝົດ ບໍ່ຮູ້ຢູ່ລາວເປັນແນວໃດ

ເລື່ອງການປະມູນ ທີ່ຈິງມີໄອເດຍນຶ່ງ ແຕ່ໄວ້ຟັງໆ ກັນເບິ່ງກ່ອນວ່າໃຜສະເໜີຫຍັງຕື່ມ

ສ່ວນເລື່ອງການເຊົ່າສະຖານທີ່ຈັດວາງສະແດງ ກໍແມ່ນເຈົ້າພາບຫັ້ນລະ ຮັບຜິດຊອບ ກໍອາດຈະມີຫັກ % ນຳຮູບທີ່ປະມູນໄດ້ຕິ ຄິດວ່າ ເພາະຕ້ອງມີຄົນກາງເປັນຄົນຈັດການພວກນີ້ ກໍເປັນໜ້າທີ່ເຈົ້າພາບໃນໂຕເລີຍ
ຫົວຂໍ້: Re: ນິທັດສະການພາບຖ່າຍແຕ້ມແສງ
ໂພສໂດຍ: nixsona ໃນ ກຸມຟາ 18, 2012, 08:41:59 PM
ຫນ້າສົນໃຈ
ຫົວຂໍ້: Re: ນິທັດສະການພາບຖ່າຍແຕ້ມແສງ
ໂພສໂດຍ: laorock ໃນ ກຸມຟາ 19, 2012, 08:57:30 AM
Place: Naxay Cultural House, M-Gallery, French Institute
Print and frame: we better ask ai Fook coz last time he print and frame in Thailand and we pay around 600 Bath for A2 size  8), if in Vientiane with the same size it cost around 350.000 kip (Print=100,000 + Frame=250,000)  ???
Date: 24 Oct 2012, this would be a nice day to organise an event  ;D